HAIDERas KA HAI SEHRA
poet: Dr Majid Raza Abidi

Gibreel ke haathon me jo Haider ka hai sehra
Ye Fatema Zahra ke muqadar ka hai sehra, Haider ka hai sehra

Allah ne di sura-e rehmaan ki salaami
Islam ne bhijwaayi hai imaan ki salaami
Ye nafs e nabi nafs e payambar ka hai sehra
Ye Fatema Zahra ke muqadar ka hai sehra, Haider ka hai sehra
Gibreel ke haathon me........

Iss aqd ki shab par to shab-e-qadr hai kurbaan
Aur iss ki sahar dekh ke wal fajr hai hairaan
Wal farj ki tafseer-e muattar ka hai sehra
Ye Fatema Zahra ke muqadar ka hai sehra, Haider ka hai sehra
Gibreel ke haathon me.....

Har ek sukhandaan bhi fidaa hone ko ayaa
Khud lehjaaye quraan bhi fidaa hone ko ayaa
Ye nehje balaghaa ke sukhanwar ka hai sehra
Ye Fatema Zahra ke muqadar ka hai sehra, Haider ka hai sehra
Gibreel ke haathon me.....

Sajde me gayi binte asad or ye pukaaraa
Sad shukr bain meri bahu Fatema Zahra
Qismat se ye milta hai muqaddar ka hai sehra
Ye Fatema Zahra ke muqadar ka hai sehra, Haider ka hai sehra
Gibreel ke haathon me.....

Paygham sitaaraa liye utraa hai falak se
Kehti hai har ek hoor ye khush ho ke malak se
Lo jam piyo saaki-e-kausar ka hai sehra
Ye Fatema Zahra ke muqadar ka hai sehra, Haider ka hai sehra
Gibreel ke haathon me.....

Jab bandhne lagaa Haider-o-Zahra ka ye bandhan
Quraan ne kahaa kul kafaa bilaahi shaheedan
Mashood-e-azal shahid-e manzar ka hai sehra
Ye Fatema Zahra ke muqadar ka hai sehra, Haider ka hai sehra
Gibreel ke haathon me.....

Jis ke liye man kunto ka bhi taaj sajega
Aur roze ghadeer ek nayaa mimbar bhi banega
Ye khum ke wali malik-e-mimbar ka hai sehra
Ye Fatema Zahra ke muqadar ka hai sehra, Haider ka hai sehra
Gibreel ke haathon me.....

Majid chalo ab ham bhi baraati bane chal kar
Parh ta hai Husein awo ye sehra sune chal kar
Dawood bhi gaate hai sukhanwar ka hai sehra
Ye Fatema Zahra ke muqadar ka hai sehra, Haider ka hai sehra
Gibreel ke haathon me.....