Parho durood ke karta hoon zikr-e-Aal-e-Nabi (x2)
Aal-e Muhammad, salla alaikum
Noore Ahmad, salla alaikum
Kulle tatheer ho tum, meri taqdeer ho tum (x2)
Parho durood ke karta hoon zikr-e-Aal-e-Nabi (x2)

Mere Nabi ke liye do jahan banaey gaye
Ye arsho farsh unhi ke liye sajaye gaye
Khuda bhi kehta hai sallu alannabi ummi
Parho durood ke karta hoon zikr-e-Aal-e-Nabi (x2)
Ya Rasulallah, salla alaik; ya Habiballah, salla alaik
Mere sarkaar ho tum, haq ke dildaar ho tum (x2)
Parho durood ke karta hoon zikr-e-Aal-e-Nabi (x2)

Ali azeem bhi hai aur Ali ameer bhi hai
Ghadeer me to Payambar ka ye wazir bhi hai
Khuda wali hai Nabi bhi wali Ali bhi wali
Parho durood ke karta hoon zikr-e-Aal-e-Nabi (x2)
Ya ameenallah, shere Khuda; Ya wali Allah, shere Khuda
Mola karrar ho tum, ghayre farrar ho tum (x2)
Parho durood ke karta hoon zikr-e-Aal-e-Nabi (x2)

Nabi ki aik hi beti hai Fatema Zahra
Ke jiske sar pe hai ismat ki bazm ka sehra
Jise Nabi ne kaha maa ye beti hai aisi
Parho durood ke karta hoon zikr-e-Aal-e-Nabi (x2)
Fatima Zahra, Khairunnisa; Umme abiha, Khairunnisa
Deen ki tauqeer ho tum, noori tasveer ho tum (x2)
Parho durood ke karta hoon zikr-e-Aal-e-Nabi (x2)

Badhe nawase Nabi ke mere Imame Hassan
Nabi ki nasl ka tum se mehek raha hai chaman
Ke gulsitan-e Mohammad ki tum ho pehli kali
Parho durood ke karta hoon zikr-e-Aal-e-Nabi (x2)
Mujtaba mawla, Mawla Hassan; ho ata mawla, Mawla Hassan
Sulho ki raah ho tum, amn ke shaah ho tum (x2)
Parho durood ke karta hoon zikr-e-Aal-e-Nabi (x2)

Nabi ke noore nazar deen ke baadshah Shabbir
Tumhare khoon se Islam ki bani taqdeer
Rawaan tumhari ragon me hai ab bhi khoone Ali
Parho durood ke karta hoon zikr-e-Aal-e-Nabi (x2)
Sayyadush shuhada, Mawla Hussayn; Malja o mawa, Mawla Hussayn
Shahe kawnain ho tum, Nana ka chain ho tum (x2)
Parho durood ke karta hoon zikr-e-Aal-e-Nabi (x2)

Ye Panjatan ka qaseeda likha jo Majid ne
Dar-e Batool pe is ko Husein parhta hai
Sana-e aal ki taufeeq oon ke dar se mili
Parho durood ke karta hoon zikr-e-Aal-e-Nabi (x2)
Aal-e Mohammad, salla alaikum; noore Ahmad, salla alaikum
Kulle tatheer ho tum, meri taqdeer ho tum (x2)
Parho durood ke karta hoon zikr-e-Aal-e-Nabi (x2)